Məxfilik siyasəti

Giriş.

app.cibmart.com səhifəsinə daxil olmaqla veb saytlarımızı ziyarət edərək və ya xidmətlərimizdən, tətbiqlərimizdən və ya digər istifadəçi interfeyslərimizdən istifadə edərək, bu Məxfilik Siyasətində əks olunan müddəaları qəbul etmiş olursunuz. Bu Məxfilik Siyasəti “Xidmət Şərtlərimiz” və bu Məxfilik Siyasətinə istinad edən digər müqavilələr vahid hüquq və öhdəliklər bazasını təşkil edir. Bizimlə bağlayacağınız müqavilənizin şərtlərini başa düşmək üçün bu sənədlərin hər birini nəzərdən keçirin. "CIB BUSINESS" MMC xidmətlərində, veb saytlarında, tətbiqlərində və ya digər istifadəçi interfeyslərimizdə üçüncü tərəf xidmətlərinə və ya veb saytlarına bağlantılar mövcuddur. "CIB BUSINESS" MMC, üçüncü tərəf xidmətlərinin, veb saytlarının və Sahibkarların paylaşdığı məlumat və ya materiallarına görə məsuliyyət daşımır. Üçüncü tərəf xidmətlərinin və ya veb saytlarının paylaşdığı məlumatları başa düşmək üçün üçüncü tərəf xidmətlərinin və ya veb saytlarının məxfilik siyasətini nəzərdən keçirməyinizi tövsiyə edirik.

Bu Məxfilik Siyasəti, xidmətlərimizi, veb saytlarımızı, tətbiqlərimizi və ya digər istifadəçi interfeyslərimizi ziyarət edərkən və ya onlardan istifadə edərkən məxfilik seçimlərinizi başa düşməyinizə kömək etmək üçün hazırlanmışdır.

1. Anlayışlar.

1. "Hesab Məlumatları" - Mağaza Məlumatı da daxil olmaqla, "CIB BUSINESS" MMC hesabının necə və nə vaxt yaradıldığı, əldə olunduğu və istifadə edilməsi haqqında məlumatlar deməkdir.

2. "Avtomatlaşdırılmış Qərar Vermə" - insanların iştirakı olmadan yalnız avtomatlaşdırılmış vasitələrlə verilən qərar deməkdir.

3. "Brauzer Məlumatı" - IP ünvanı, ziyarət edilən veb sayt, şəbəkə bağlantısı, cihaz məlumatları, Çerezlər və digər məlumatlar daxil olmaqla brauzer tərəfindən verilən məlumatlar deməkdir.

4. "Əlaqə Məlumatı" - ad, soyad, şirkət adı, poçt ünvanı, telefon nömrəsi, e-poçt ünvanı və sosial media hesab məlumatları kimi əsas şəxsi və iş məlumatlarıdır.

5. "Nəzarətçi" - Şəxsi Məlumatların İşlənməsinin məqsəd və vasitələrini təyin edən bir təşkilat deməkdir.

6. "Çerez" - onu yerləşdirən veb saytın əldə edə biləcəyi anonim bənzərsiz bir identifikatoru olan, kompüterin sabit diskində yerləşən kiçik bir fayl.

7. "Cihaz Məlumatı" - Xidmətlərə daxil olan cihazdan toplanan cihaz ID nömrəsi, modeli və istehsalçısı, əməliyyat sisteminizin versiyası və coğrafi bölgəniz kimi bir cihaz haqqında məlumat deməkdir.

8. "Sahibkar" Xidmətlərdən istifadə edən bir şəxs və ya təşkilat deməkdir.

9. "Tərəfdaş" – Xidmət və Məhsullarımızın keyfiyyətinin artırılması məqsədilə cəlb olunmuş üçüncü tərəf şirkətlər, təşkilatlar və həmçinin sahibkarlar deməkdir.

10. "Ödəniş Məlumatı" - bank kartı və ya digər üsulla həyata keçirilmiş ödəniş məlumatları deməkdir.

11. "Şəxsi Məlumat" (i) müəyyən edilmiş və ya müəyyən edilə bilən fiziki şəxsə aid olan və ya (ii) sizi və ya təsərrüfatınızı tanıdan, əlaqələndirən və ya əsaslı şəkildə əlaqələndirilə bilən məlumatlar deməkdir.

12. "İşləmə" - Şəxsi Məlumatların ötürülməsi, yayılması və ya başqa bir şəkildə təqdim edilməsi, məhdudlaşdırılması, silinməsi və ya məhv edilməsi yolu ilə açıqlanması və üzərində toplama, qeyd etmə, təşkil etmə, strukturlaşdırma, saxlama, uyğunlaşdırma və ya dəyişdirmə, axtarış, məsləhətləşmə, istifadə daxil olmaqla, lakin bunlarla məhdudlaşmadan, avtomatik vasitələrlə həyata keçirilən hər hansı bir əməliyyat və ya əməliyyatlar toplusu deməkdir.

13. "Prosessor" - Nəzarətçi adından Fərdi Məlumatları emal edən təşkilat deməkdir.

14. "Təhlükəsizlik Məlumatı" - istifadəçi kimliyi, parol və parol göstərişləri və təsdiqləmə və hesaba giriş üçün istifadə olunan digər təhlükəsizlik məlumatları deməkdir.

15. "Xidmətlər" - "CIB BUSINESS" MMC veb saytları, tətbiqləri və ya digər istifadəçi interfeysləri vasitəsilə təqdim edilən xidmət və məhsullar deməkdir.

16. "Mağaza Məlumatı" - bir elektron mağaza, onun məhsulları və quruluşu haqqında məlumat deməkdir.

17. "Dəstək Məlumatları" - hardware və proqram təminatınız, identifikasiya məlumatlarınız, söhbət sessiyasının məzmunu, səhvliklər haqqında hesabatlar, performans məlumatları və digər ünsiyyət və ya texniki məlumatları əhatə edir. Siz bu məlumatlara problemlərin aradan qaldırılmasını asanlaşdırmaq üçün uzaqdan daxil ola bilərsiniz.

18. "Əməliyyat Məlumatları" - məhsul, sifariş, göndərmə məlumatları, Əlaqə Məlumatları və Ödəniş Məlumatları daxil olmaqla, Xidmətlərdə baş verən əməliyyatlarla əlaqəli məlumatlar deməkdir.

19. "İstifadə Məlumatı" - əldə edilən funksiyalar, ziyarət edilən səhifələr və digər qarşılıqlı əlaqə məlumatları daxil olmaqla, Xidmətlərlə qarşılıqlı əlaqədə olduğunuz zaman toplanan məlumatlar deməkdir.

20. "İstifadəçi" - Xidmətlər vasitəsilə Sahibkar ilə qarşılıqlı əlaqədə olan bir şəxs və ya şəxslər, elektron mağazadan alış-veriş edən müştəri və ya müştərilər deməkdir.

2. Topladığımız Məlumatlar və Müddəti.

2.1 Sahibkarlardan Toplanan Məlumatlar. Sahibkar Xidmətlərlə əlaqə quranda və ya istifadə etdikdə Hesab Məlumatı, Brauzer Məlumatı, Əlaqə Məlumatı, Cihaz Məlumatı, Ödəniş Məlumatı, Dəstək Məlumatı, Təhlükəsizlik Məlumatı, Əməliyyat Məlumatı, İstifadə Məlumatı kimi məlumatları toplayır və nəzarət edirik.

2.2 İstifadəçilərdən toplanan məlumatlar. İstifadəçilər Xidmətlər vasitəsilə bir Sahibkarın e -ticarət təklifi ilə qarşılıqlı əlaqədə olduqda, Satıcının adından İstifadəçinin Brauzer Məlumatlarını və Əməliyyat məlumatlarını toplayır və emal edirik.

2.3 Tərəfdaşlardan toplanan məlumatlar. Tərəfdaşlarımızın Hesab məlumatları, Brauzer Məlumatları, Əlaqə Məlumatları, Ödəniş Məlumatları, Dəstək Məlumatları və İstifadə Məlumatları kimi məlumatları toplayırıq və nəzarət edirik.

2.4 Ziyarətçilərdən Toplanan Məlumatlar. Ziyarətçilər veb saytımıza baxdıqda və ya Xidmətlərdən istifadə etdikdə və ya bizimlə onlayn və ya oflayn olaraq ünsiyyət qurduqda, bizə təqdim olunan və ya bildirilən Brauzer Məlumatları, Dəstək Məlumatları, Əlaqə Məlumatları və İstifadə Məlumatlarını toplayırıq və nəzarət edirik.

2.5 Müddət. Qanuni iş maraqlarımızı təmin etmək, qanunla müəyyən edilmiş öhdəliklərimizə riayət etmək, mübahisələri həll etmək və tətbiq olunan razılaşmaları yerinə yetirmək üçün topladığımız Şəxsi məlumatlarınıza istənilən saxlama müddəti təyin oluna bilər.

3. Məlumatlarınızı Necə İstifadə Edirik.

3.1 Sahibkar məlumatlarının istifadəsi. Sahibkarlara Xidmətlər təqdim etmək, şəxsiyyətlərini təsdiq etmək, reklam və marketinq kimi Xidmətlərə üzv olarkən, hesab-faktura üçün saxta hesab yaradılmasının aşkarlanması və qarşısının alınması, problemlərin aradan qaldırılması məqsədilə topladığımız məlumatları Nəzarətçi olaraq istifadə edirik. Topladığımız məlumatları həmçinin Xidmətlərin istifadəsi ilə bağlı hadisələri həll etmək, mağazanızın fəaliyyəti ilə bağlı push bildirişləri kimi Xidmətləri təkmilləşdirmək və fərdiləşdirmək və qanuni tələblərə riayət etmək üçün də istifadə edirik. Satıcının mağazası ilə əlaqəli xidmətlər, tətbiqlər və ya məhsullar təqdim etmək üçün Satıcı ilə əməkdaşlıq edən və məxfilik öhdəliklərinə tabe olan Tərəfdaşlara Xidmətlərdən istifadə və ya şəxsiyyətləri təsdiq etmək və qarşılıqlı əlaqələrimizi və xidmətlərimizi təkmilləşdirmək və fərdiləşdirmək məqsədilə Hesab Məlumatları, Əlaqə Məlumatları, Dəstək Məlumatları və Əməliyyat Məlumatları da daxil olmaqla müəyyən məlumatları üçüncü tərəfə açıqlaya bilərik. Sahibkarın açıq razılıq verdiyi və ya qanunla öhdəlik daşıdığımız digər hallarda bu məlumatlardan istifadə edə bilərik.

3.2 İstifadəçi məlumatlarından istifadə. Xidmətlərimizi təqdim etmək , sifarişləri dəstəkləmək və emal etmək, müəyyən risklərin, dələduzluğun qarşısını almaq kimi qanunun tələblərinə riayət etmək üçün bu məlumatı bir prosessor olaraq istifadə edirik. Bu məlumatların əsasə istifadəçisi əlaqəli Sahibkardır və bu məlumatlardan istifadə olunması ilə bağlı yaranan suallar həmin Sahibkara yönəldilməlidir.

3.3 Tərəfdaş məlumatlarından istifadə. Bu məlumatı Tərəfdaşlara Xidmətlər təqdim etmək, şəxsiyyətləri təsdiq etmək, dəstək vermək, reklam və marketinq, hesab-faktura, Xidmətlərin istifadəsi ilə əlaqədar yaranan mübahisələri həll etmək, Xidmətləri təkmilləşdirmək və fərdiləşdirmək məqsədilə qanuna uyğun olaraq nəzarətçi kimi istifadə edirik. Bu məlumatı Tərəfdaşın açıq razılıq verdiyi digər hallarda da istifadə edə bilərik.

3.4 Ziyarətçi məlumatlarından istifadə. Bu məlumatları Xidmətləri və əlaqələri təmin etmək, lazım olduqda dəstək vermək və qanunun tələblərinə riayət etmək üçün Nəzarətçi olaraq istifadə edirik. Bu məlumatı, ziyarətçinin açıq razılıq verdiyi digər hallarda da istifadə edə bilərik.

3.5 Təqdimat. E -poçt, telefon və digər kanallarla razılıq verən mövcud Sahibkarlar və Tərəfdaşlara və potensial müştərilərə promosyon əlaqələri göndərə bilərik. Məsələn, abunəlik başa çatanda bir Satıcıya xəbər verə bilərik. İstənilən vaxt bizdən promosyon əlaqələri almaqdan imtina edə bilərsiniz.

4. Məlumatlarınızı Necə Paylaşırıq.

4.1 Məlumat Paylaşımı. Bu xidmətlər müxtəlif üçüncü tərəflər və xidmət təminatçıları sayəsində mümkündür. Bəzən Xidmətləri dəstəkləmək üçün Sahibkar, Tərəfdaş, İstifadəçi və ya ziyarətçinin Şəxsi Məlumatlarını onlarla bölüşmək lazım olur. Məlumat sahibinin razılığı olduqda Şəxsi Məlumatlara daxil ola, onları ötürə, açıqlaya və / və ya saxlaya bilərik.

4.2 Müdafiə. Əgər bunu etməyimizin zəruriliyinin əsaslı olduğunu düşünürüksə:

(i) Sahibkarları, Tərəfdaşları , İstifadəçiləri və ya ziyarətçiləri qorumaq; məsələn, spam və ya bizi və ya Xidmətlərin istifadəçilərini aldatmaq cəhdlərinin qarşısını almaq və ya hər hansı bir şəxsin təhlükəsizliyinin təhdid altında olmasına cavab olaraq;

(ii) Xidmətlərin istifadəsini tənzimləyən şərtlərin icrası da daxil olmaqla, "CIB BUSINESS" MMC–nin hüquqlarını və ya mülkiyyətini qorumaq məqsədilə; və ya

(iii) kompüter sistemlərimizə və ya şəbəkələrimizə hücumun qarşısını almaq və ya dayandırmaq da daxil olmaqla, Xidmətlərin təhlükəsizliyini təmin etmək və idarə etmək məqsədilə.

Məlumatlarınızı üçüncü tərəflərlə paylaşırıq.

4.3 İştirakçılar. Şəxsi Məlumatları bu Məxfilik Siyasətində təsvir olunan məqsədlər üçün "CIB BUSINESS" MMC–nin filialları və törəmə şirkətlərı arasında paylaşırıq.

4.4 Xidmət təminatçıları. "CIB BUSINESS" MMC, bu Məxfilik Siyasətində təsvir olunan məqsədlər və Xidmətlərin göstərilməsində bizə kömək etmək üçün zaman zaman məhdud sayda üçüncü tərəf xidmət təminatçılarından, məlumat emalçılarından, podratçılardan və digər müəssisələrdən istifadə edə bilər.

4.5 Ödənişlərin İşlənməsi. Dələduzluğun qarşısının alınması üçün ödəniş məlumatlarını ödəniş əməliyyatlarını həyata keçirən və ya digər maliyyə xidmətləri göstərən banklar və qurumlarla paylaşırıq.

4.7 Tətbiqlər. Sahibkardan razılıq aldıqdan sonra Sahibkarın Əlaqə Məlumatlarını və tətbiqin tələb etdiyi digər məlumatları Tərəfdaşlarımızla paylaşacağıq.

4.8 Birləşmə; Satış. Fərdi məlumatları başqa bir şirkətlə birləşdiyimiz və ya başqa bir şirkət tərəfindən satın alındığımız zaman birləşdiyimiz və ya satın alındığımız şirkətə açıqlaya bilərik.

5. Çerezlər.

5.1 İstifadə. "CIB BUSINESS" MMC və üçüncü tərəf xidmət təminatçıları, veb saytımızı ziyarət edərkən sizi tanımaq, seçimlərinizi xatırlamaq və sizə fərdi bir təcrübə vermək üçün çerezləri, veb işarələrini və bənzər izləmə texnologiyalarını istifadə edir. Veb saytlarımızı ziyarət etdiyiniz zaman, biz və ya səlahiyyətli bir üçüncü şəxs, cihazınızda fərdi fəaliyyətlər də daxil olmaqla, zamanla və fərqli saytlarda onlayn fəaliyyətləriniz haqqında məlumat toplayan bir çerez yerləşdirə bilərik.

5.2 Davamlılıq. Veb saytlarımızda həm sessiyaya əsaslanan, həm də davamlı çerezlərdən istifadə edirik. Oflayn olduğunuzda daimi çerezlər kompüterinizdə qalır, veb brauzerinizi bağladığınız anda sessiya çerezləri silinir. Brauzerin seçimləri icazə verərsə veb sayt çerez təyin edə bilər. Hansı veb saytın təyin edilmiş çerezlərə daxil olmasına icazə yalnız Brauzer tərəfindən təyin edilir, digər veb saytlar tərəfindən təyin edilmir.

5.3 Çerez növlərinə aşağıdakılar daxildir: veb saytımızın istədiyi kimi işləməsi üçün zəruri olan çerezlər; Video və canlı söhbət kimi inkişaf etmiş funksionallığı təmin edən funksional çerezlər, bu çerezlər olmadan, müəyyən funksiyalar əlçatmaz ola bilər; Zamanla veb saytımızı yaxşılaşdırmağa imkan verən sayt istifadəsi ilə bağlı statistik məlumatlar verən analitik çerezlər; təcrübənizi artırmaq üçün profillər yaratmaq və ya məzmunu fərdiləşdirmək üçün istifadə olunan hədəfləmə və reklam çerezləri.

5.4 Nəzarət. Çerezləri cihazınız və ya brauzerinizin parametrləri vasitəsilə deaktiv etmək mümkündür, lakin bu, veb saytımızdan istifadə etmə qabiliyyətinizə təsir göstərə bilər. Məsələn, kompüterinizi və ya mobil cihazınızı tanıya bilmərik və veb saytımızı hər ziyarət etdiyiniz zaman yenidən daxil olmalısınız. Çerezləri deaktiv etmək üsulu cihazdan və brauzerdən asılı olaraq dəyişə bilər, lakin ümumiyyətlə seçimlərdə və ya təhlükəsizlik parametrlərində tapıla bilər.

6. Məlumatın qorunması.

6.1. Şəxsi Məlumatların icazəsiz girişdən, açıqlanmasından, dəyişdirilməsindən, itirilməsindən və sui-istifadə edilməsindən qorunması üçün nəzərdə tutulmuş inzibati, texniki və fiziki təhlükəsizlik tədbirləri görürük. Bu üsullarımıza

(i) ötürmə zamanı daxil etdiyiniz məlumatları şifrələyən Secure Sockets Layer (SSL) proqramından istifadə etmə;

(ii) kredit kartı məlumatları ilə işləyərkən Ödəniş Kartı Sənayesi Məlumat Təhlükəsizliyi Standartına (PCI DSS) riayət etmə;

(iii) Fərdi Məlumatların toplanması, saxlanması və açıqlanması ilə əlaqədar fiziki, elektron və prosedur təminatların qorunması daxildir.


Təəssüf ki, heç bir İnternet istifadəsi, məlumat ötürülməsi və ya elektron saxlama üsulu tamamilə təhlükəsiz deyildir, buna görə də Şəxsi Məlumatların mütləq təhlükəsizliyinə zəmanət verə bilmərik.


6.2 Xidmətlərin təhlükəsizliyini təmin etməyimizə baxmayaraq, parollarınızın və hesab məlumatlarınızın məxfiliyinin qorunması üçün məsuliyyət daşıyırsınız. İcazə verdiyiniz bir hesab bağlantısı əsasında üçüncü tərəflə paylaşılan Şəxsi Məlumatların qorunmasına görə "CIB BUSINESS" MMC məsuliyyət daşımır.

7. Hesabat və İrəli Transfer üçün Təhlükəsizlik.

7.1 Məlumat Prosessorları. Şəxsi Məlumatları yalnız "CIB BUSINESS" MMC saytında sadalanan Prosessorlarla paylaşacağıq və ya onlara açıqlayacağıq. Müqaviləyə əsasən, Məlumatları paylaşaçağımız Prosessorlar bu məxfilik siyasətində təsvir olunan və Məxfiliyin əsasını təşkil edən prinsiplərin tələb etdiyi kimi, ən azı eyni səviyyədə məxfilik təhlükəsizliyi təmin etmək öhdəliyi daşıyırlar.

7.2 Düzəltmə tədbirləri. Şəxsi Məlumatlarınızın müqaviləmizə uyğun olaraq qorunmadığını və ya razılığınız xaricində işləndiyini öyrənsək, məlumatlarınızı qorumaq və/və ya qeyri -qanuni emalını dayandırmaq üçün addımlar atacağıq.

7.3 Məlumatların xarici ölkələrə göndərilməsi. Biz işimizi idarə etmək üçün şəxsi məlumatlarınızı bölgənizdən və ya ölkənizdən kənara, o cümlədən ABŞ -a göndərə bilərik. Məlumatlarınızı xariciə göndərdiyimizdə, məlumatlarınızı qorumaq üçün tədbirlər görürük və məlumatlarınızı yalnız məlumatların qorunması ilə bağlı müvafiq normativ bazası olan ölkələrə göndərməyə çalışırıq.

7.4 Qanuni tələblər. Nəhayət, məlumatlarınızı qorumaq üçün əlimizdən gələni etdiyimiz halda, bəzən şəxsi məlumatlarınızı açıqlamağımız qanunla tələb oluna bilər (məsələn, qüvvəyə minmiş məhkəmə qərarı alsaq). Bu halda sizi məlumatlandırmaq qanunla qadağan olunmadıqda sizə bu haqda əvvəlcədən xəbər veriləcək.

8. Seçimləriniz.

8.1 Ümumiyyətlə. Şəxsi Məlumatlarınıza daxil olmaq, onları düzəltmək, silmək, bağlamaq və ya istifadəsini məhdudlaşdırmaq üçün addımlar atırıq. istənilən vaxt qüvvədə olan qanunvericiliyə uyğun olaraq Şəxsi Məlumatlarınızın istifadəsinə etiraz etmək hüququnuz var. Toplama razılığınıza əsaslandıqda, razılığa əsaslanan emalın qanunauyğunluğuna təsir etmədən, istənilən vaxt razılığı geri götürmək hüququnuz var. Şəxsi məlumatlarınızın işlənməsinin hüquqlarınızı pozduğunu düşünürsünüzsə, Azərbaycan Respublikası qanunvericiliyinə uyğun olaraq, müvafiq orqana şikayət etmək hüququnuz var.

8.2 Sahibkarlar, Ortaqlar və Ziyarətçilər. Sahibkarlar və Tərəfdaşlar bir çox növ şəxsi məlumatları birbaşa hesablarında yeniləyə bilərlər. Siz ziyarətçisinizsə və ya hesabınızdakı Şəxsi Məlumatlarınıza daxil ola və ya başqa cür dəyişə bilmirsinizsə, bizimlə əlaqə saxlayın.

8.3 İstifadəçilər. Sahibkarlar üçün Prosessor olaraq xidmət göstəririk. İstifadəçilər şəxsi məlumatları ilə əlaqədar olaraq Satıcılarla əlaqə saxlamaq istəyə bilərlər. İstifadəçi sorğularını Sahibkarlara göndərə bilərik, lakin satıcı məlumatlarını silə bilmirik. Şəxsi Məlumatların silinməsi ilə bağlı istəklər sizə xidmət etmək imkanlarımıza mənfi təsir göstərə bilər.

9. Əlaqə Məlumatları; Mühafizə; Müraciət.


Şəxsi Məlumatlarınızı necə işlətdiyimiz barədə soruşmaq, bununla əlaqədar müraciət etmək və ya şikayət etmək istəyirsinizsə, aşağıdakı əlaqə vaistələri ilə bizimlə əlaqə saxlaya bilərsiniz:


E-Mail: [email protected]

Telefon: +994552027155

Adres: Azərbaycan, Bakı, Xətai Plaza, Xocalı pr., 15.

10. Yetkinlik yaşına çatmayanlar.

18 yaşdan aşağı və ya şəxsin aid olduğu yurisdiksiyada yetkinlik yaşı üçün müəyyən edilmiş yaşa çatmamış istifadəçilərə Xidmətlərimiz göstərilməyəcəkdir. 18 yaşdan kiçiksinizsə, bu veb saytlarda və ya onlayn xidmətlərdə qeydiyyatdan keçib onlardan istifadə edə bilməzsiniz. "CIB BUSINESS" MMC, 18 yaşdan kiçik şəxslərin Şəxsi Məlumatlarını bilərəkdən toplamır. valideyn və ya qəyyumsunuzsa və"CIB BUSINESS" MMC-in bir uşaq haqqında məlumat topladığına inanırsınızsa, bu Məxfilik Bəyannaməsində təsvir edildiyi kimi "CIB BUSINESS" MMC ilə əlaqə saxlayın. "CIB BUSINESS" MMC, məlumatları mümkün qədər tez silmək üçün addımlar atacaq.

11. Hazırkı Məxfilik Siyasətinə dəyişikliklər.

Biz istənilən vaxt öz Siyasətimizi yeniləmək və ya dəyişdirmək hüququnu özümüzdə saxlayırıq və siz bu Məxfilik Siyasətini vaxtaşırı olaraq yoxlamalısınız. Bu səhifədə Məxfilik Siyasətinə hər hansı dəyişikliklər edildikdən sonra "CIB BUSINESS" MMC Məhsulundan (Məhsullarından) istifadəni davam etdirməyiniz sizin həmin dəyişiklikləri qəbul etdiyinizi və dəyişdirilmiş Məxfilik Siyasətinə riayət etməyə və bu Məxfilik siyasətindən irəli gələn öhdəlikləri daşımağa razılaşdığınızı bildirəcək. Hazırkı Məxfilik Siyasətinə hər hansı əhəmiyyətli dəyişikliklər etdiyimiz təqdirdə, bu barədə sizə elektron poçt ünvanına (təqdim etdiyiniz elektron poçt ünvanı) bildiriş göndərməklə və ya vebsaytımızda aydın şəkildə bildiriş yerləşdirməklə məlumat verəcəyik.

Privacy policy Terms and conditions for users Terms and conditions for merchants